ڕێنێسانس نیوز؛ وته‌بێژێکی ئه‌رته‌شی ئه‌مریکا له‌ ئێڕاق ڕایگه‌یاند که‌ ئه‌وان له‌مێژه‌ بۆ ئه‌وانه‌ ده‌گه‌ڕێن وا له‌ سلێمانی گرتوویانن و به‌ڵگه‌ و وێنه‌شیان له‌ ده‌ستدایه‌ که‌ ئه‌مانه‌ به‌رپرسی کاری تیرۆپریستییه‌کانن.

به‌ گوێره‌ی هه‌واڵی ئاژانسی فه‌ڕانسه‌، "وینفرێد دانیه‌لسن"ی وته‌بێژی ئه‌رته‌شی ئه‌مریکا له‌ به‌غدا، ڕایگه‌یاند: "به‌پێچه‌وانه‌ی ئیدعاکانی ئێران، گیراوه‌که‌ی سلێمانی بازرگان نییه‌ و هێزه‌ ئه‌مریکییه‌کان به‌ که‌ڵکوه‌رگرتن له‌ وێنه‌یه‌ک، توانیویانه‌ ناوبراو بناسنه‌وه‌ و قۆڵبه‌ستی بکه‌ن.

ڕێنێسانس نیوز: سه‌رۆکی پژاک عه‌بدولڕه‌حمانی حاجی ئه‌حمه‌دی داوای سه‌رکۆماری ئێڕاق جه‌لال تاڵه‌بانی بۆ دانانی چه‌ک ڕه‌ت کرده‌وه‌ و جه‌ختیشی کرده‌وه‌ كه‌ "دانیشتن له‌ سلێمانى و كۆیه‌ خه‌یانه‌ته‌."

سه‌رۆکی پژاک شه‌وی ڕابردوو له‌ پرۆگرامی پێڤاژۆی ته‌له‌فیزۆنی ڕۆژدا وتی: "پێمان ده‌ڵێن له‌ كۆیه‌ و سلێمانى دانیشن و ئه‌وه‌ش به‌ خزمه‌تکردن به‌ ئه‌زمونى باشووری کوردستان ده‌زانن، به‌ڵام ئه‌من پێموایه‌ كه‌ دانیشتن له‌ کۆیه‌ و سلێمانی‌ خه‌یانه‌ته‌." ‌ وتیشی: "با ئه‌وان كاربكه‌ن بۆ ئه‌وه‌ى ئێران هێرش نه‌كاته‌ سه‌رمان، ئێمه‌ش‌ قه‌ول ده‌ده‌ین گولله‌یه‌ک به‌ هیچ شوێنێکه‌وه‌ نه‌نێین."

 

خۆرهه‌ڵات نیوز: لێكدانه‌وه‌كانی كۆشكی سپی به‌مه‌به‌ستی ناوزه‌د كردنی سوپای قودس وه‌ك رێكخراوه‌یه‌كی تیرۆریستی جیهانی به‌رده‌وامه‌ و به‌نیازه‌ زه‌نجیره‌ سزایه‌ك دژی ئه‌و رێكخراوه‌، كه‌ له‌ ده‌ره‌وه‌ی سنووره‌كانی ئێران كار ده‌كات، به‌كار بێنێت.

 

به‌رپرسێكی باڵای ئه‌مریكا له‌وباره‌یه‌وه‌ به‌ ئاژانسی هه‌واڵنێری"رۆیته‌رزی" راگه‌یاند: واشنگتۆن به‌ نیازه‌ به‌ شێوه‌یه‌كی یه‌ك لایه‌نه‌ گوشاری زیاتر به‌ سه‌ر ئێراندا بسه‌پێنێ و له‌م په‌یوه‌ندییه‌دا سوپای قودس وه‌ك هۆكارێكی سه‌ره‌كیی به‌رزبوونه‌وه‌ی ئاستی توندوتیژییه‌كان له‌ عێراق رووبه‌ڕووی سزای توندتر ده‌بێته‌وه‌.

 

ئه‌و به‌رپرسه‌ ئه‌مریكییه‌ كه‌ ناوه‌كه‌ی ئاشكرا نه‌كراوه‌ ده‌ڵێ: گرنگترین بابه‌ت له‌وباه‌ره‌یه‌وه‌، گه‌یاندنی ئه‌م په‌یامه‌ به‌ ده‌ستی ئێرانییه‌كانه‌  كه‌ كاربه‌ده‌ستانی ئه‌مریكا هه‌وڵه‌كانیان له‌ دژی ئه‌و وڵاته‌  چڕتر ده‌كاته‌وه‌.