خۆرهه‌ڵات نیوز: سه‌ره‌نجام پاش چه‌ند مانگ ململانێ له‌ نێوان دوو باڵه‌كه‌ی ناو كۆمه‌ڵه‌ی شۆڕشگێری زه‌حمه‌تكێشانی كوردستانی ئێران، ئه‌مڕۆ باڵی كه‌مینه‌ی ناسراو به‌ ره‌وتی ریفۆرم و گه‌شه‌ی كۆمه‌ڵه‌، جیا بوونه‌وه‌ی خۆی راگه‌یاند.

له‌ راگه‌یاندراوی ره‌وتی چاكسازی و گه‌شه‌ی كۆمه‌ڵه‌ دا كه‌ وێنه‌یه‌كی به‌ ده‌ست خۆرهه‌ڵات نیوز گه‌یشتووه‌ نووسراوه‌: ئێَمه‌ له‌وڕۆ به‌ دواوه‌ له‌ ژێر ناوی‌ "كۆمه‌ڵه‌ی‌ شۆڕشگێڕی‌ زه‌حمه‌تكێشانی‌ كوردستانی‌ ئێران_ره‌وتی‌ چاكسازی‌ و گه‌شه‌" وه‌ك حیزبێكی‌ جیاواز كار ده‌كه‌ین و ئه‌وه‌شمان به‌ هاورێیانی‌ به‌رابه‌رمان راگه‌یاندوه‌. ئێستاش رایده‌گه‌یه‌نین كه‌ ئێمه‌ ئاماده‌ین جۆرێك له‌ كاری‌ هاوبه‌ش و نزیك له‌ ئاڵقه‌ی‌ كۆمه‌ڵه‌دا مه‌ودای‌ بۆ بڕه‌خسێ‌ تا به‌ڵكوو ببێته‌ هه‌وێنێك بۆ فراوان كردن و یه‌كگرتنه‌وه‌ی‌ هه‌موو باڵه‌كانی‌ كۆمه‌ڵه‌ و ره‌وتی‌ چه‌پ و رزگاریخواز له‌ كوردستاندا.

 به‌رپرسانی ئه‌مریكا ئاشكرایان كرد وابڕیاره‌ ویلایه‌ته‌ یه‌كگرتوه‌كان نزیكه‌ی 1800په‌نابه‌ری عیراقی له‌ كۆتایی ئه‌م مانگه‌ وه‌ربگرێت.

 ئاژانسی ئه‌سواق بڵاویكردۆته‌وه‌ پۆل رۆزینزویج راوێژكاری وه‌زاره‌تی ده‌ره‌وه‌ی ئه‌مریكا له‌ كۆنگره‌یه‌كی رۆژنامه‌وانیدا رایگه‌یاند " دوای ئه‌وه‌ی ئاژانسه‌كانی په‌نابه‌رانی سه‌ر به‌ ئه‌مریكا بنكه‌ی هه‌ڵبژاردنی له‌ وڵاته‌كانی دراوسێی عیراق دامه‌زراند ده‌‌تواندرێت مانگانه‌ مامه‌ڵه‌ی هه‌زار كه‌س ته‌واو بكرێت جگه‌ له‌ دوباره‌ نیشته‌جێبوونی 12 هه‌زار عیراقی له‌ تێكرای 70 هه‌زار كه‌س له‌ سه‌رتاسه‌ری جیهان "